【港台明星情緣】王子Stephy之外 仲有佢哋……

圖︰鄧麗欣同邱勝翊(王子)拍拖一事傳出後,受到外界熱烈祝福,其實仲有唔少香港明星都有發展「港台情緣」。(網上截圖)

鄧麗欣(Stephy)同台灣男星邱勝翊(王子)拍拖一事傳出後,受到外界熱烈祝福。其實唔少香港明星都有發展「港台情緣」,最後仲開花結果?!

蔣雅文

圖︰(ig圖片)

曾經係英皇女子組合3T成員、07年前往台灣發展嘅蔣雅文(Mandy),如今成為了著名的台灣人妻。移居台灣、創業,更曾經坦承與同性拍拖,Mandy於15年宣佈與設計師朱經雄結婚,令一同創立「夫妻檔」時裝精品店。

Mandy不時會在ig分享佢同老公嘅生活點滴,可能就如她公開婚事時所說︰「回想上一次可以光明正大的談戀愛已經是17歲時候的事了,不知道大家能不能理解,長期活在過於保護隱私的精神中生活,談戀愛不能經常見面,更別說正常情侶間的約會了,所以有關戀愛的難忘的回憶也少之又少。」因此成為台灣人妻後,就好好把生活的美好事物用照片記下來吧!

圖︰ig不時會看到Mandy與老公的「文青」生活照。(ig圖片)

盧凱彤

圖︰結婚兩週年,盧凱彤於ig上載與太太的婚照(圖右下)「放閃」。(ig圖片)

At17成員、唱作歌手盧凱彤,於14年至15年間患上躁鬱症,一度暫停手上工作求醫;經歷一場大病,令她明白愛人的重要︰「身處抑鬱嘅人,都唔會自愛,但依然愛人,為了愛的人,係(燥鬱症)患者願意留下來的最後力量。」

2017年,盧凱彤在台灣金曲獎獲得「最佳編曲人獎」,更在台上突然多謝太太,一次過公開出櫃同結婚。原來盧凱彤同台灣攝影師余靜萍早於2016年結婚,二人相識8年、共過患難,盧凱彤仲話︰「世界不完美、人不完美,有了你,誰還需要完美? 」

圖︰盧凱彤曾在ig分享藝術晚安照,被網民讚「有攝影師老婆真好」。(ig圖片)

余文樂

圖︰余文樂同台灣太太愛得甜蜜。(ig圖片)

余文樂於16年秘密與台灣模特兒王棠云相戀,二人於17年「奉子成婚」,王棠云更於5月誕下7磅重嘅囝囝余初見。

雖然余文樂喺電影《志明與春嬌》入面飾演「大男孩」張志明,但現實生活中,余文樂係「愛妻號」同好爸爸!見到佢成日同太太、囝囝出席家庭聚會,即使忙於工作、成日四圍飛都盡力抽時間返屋企抱吓B、見下太太同狗狗,真係好男人!余文樂更曾於ig上載抱B相話︰「能見你一面,多遠都值得。」

圖︰余文樂係「愛妻號」同好爸爸。(ig圖片)

鍾欣潼

圖︰阿嬌將於9月同準老公賴弘國,正式於香港簽紙結婚。(ig圖片)

鍾欣潼(阿嬌)17年同台灣婦科整容醫生賴弘國相戀,今年初賴弘國向阿嬌求婚成功,於5月仲去美國舉行婚禮,9月份將會於香港擺酒同註冊。

雖然外間對初時唔太睇好阿嬌同賴弘國嘅戀情,但阿嬌不時都會同賴弘國出席朋友聚會,早排仲請埋阿嬌同Twins另一成員蔡卓妍(阿Sa)食飯?!幾日前,阿嬌仲於ig上載佢同賴弘國嘅拖手照,為聯合國兒童基金會宣傳。相信佢哋呢段「港台情緣」都會順利開花結果吧!

圖︰阿嬌日前於ig分享佢同準老公嘅拖手照,「放閃」之餘,仲做埋善事?!(ig圖片)
分享: