【學做好姐姐】吳若希分享女兒與狗互動 網民︰唔通又有咗?

圖︰吳若希女兒淼淼日前與狗狗互動,場面好有愛。(ig圖片)

吳若希上年先為老公Alex誕下囡囡淼淼,昨日(17日)吳若希就分享淼淼同另一位小朋友,與狗狗互動嘅相片,仲留言話︰「看到小可愛們的互動,都可以感受到滿滿的愛!喬喬一定會是一個很好的姐姐~淼淼也要快點努力學當一個好姐姐啦!」留言一出,網民都不禁聯想︰唔通吳若希有咗?

學做好姐姐 網民熱論

有網民話︰「淼淼要快點學當姐姐?沒有那麼快吧!」亦有網民話︰「Giselle(淼淼)真喺眨眼就大個咁多了!」當然唔少網民都感覺吳若希即將有喜訊宣佈︰「唔通妳有左(咗)?」、「係咪暗示左(咗)啲嘢?」但亦有網民坦言︰「唔好啦,你岩岩(啱啱)先出返尼(嚟)唱歌冇幾耐。」

不過,最近忙於拍無綫劇集《多功能老婆》嘅吳若希,回覆傳媒查詢她是否有喜時就話︰「冇吖!」

圖︰淼淼似乎好鍾意狗狗。(ig圖片)
分享: