【好曬呀…】與王子Stephy同遊蘇梅島 毛弟唔敢答點分酒店房

圖︰王子嘅細佬邱宇辰(毛弟)都有與哥哥同Stephy同遊蘇梅島,不過就唔敢答當時佢哋點分酒店房瞓。(fb圖片)

鄧麗欣(Stephy)同邱勝翊(王子)曾經一齊遊蘇梅島,原來王子嘅細佬邱宇辰(毛弟)都有同行!毛弟今日(17日)出席於台灣記者會,被問到哥哥近日大方認愛,就笑住話:「哥哥很帥,難得看他公開認愛。」仲話有將報道cap圖畀屋企人睇,連爸爸媽媽都畀like讚好呀!咁蘇梅島去旅行嗰時,又有咩趣事分享吓呢?

毛弟大讚Stephy 「希望大家祝福他們」

毛弟大讚Stephy份人好好、「很有姊姊的感覺」,而哥哥王子同Stephy講嘢嗰陣,仲陰聲細氣好溫柔!而對於哥哥同Stephy嘅戀情,毛弟就話︰「以前是偶像團體的關係,會覺交女生朋友都是一種錯,現在覺得交朋友很自然,可能他年紀也到了,希望大家祝福他們,給他們一點空間。」毛弟一直係咁讚,學黃子華話齋,「有咩Jetso(著數)先?」毛弟笑言︰「其實早上哥哥有塞錢給我。」

至於核心問題,究竟王子同Stephy去蘇梅島有冇住埋同一間房呢?毛弟只係話,嗰次旅程仲有兩三pair人同行,而佢本來唔想去,但因為太耐冇出國玩,所以就決定一齊去。至於王子同Stephy嘅酒店房問題,毛弟就尷尬笑住話:「給他們一點空間,不是我的事我也不敢多說。」

圖︰毛弟喺facebook話掛住蘇梅島之旅,但就唔敢講哥哥同Stephy有冇同房瞓。(fb圖片)
圖︰毛弟仲話,要學哥哥咁搵應采兒做紅娘。 (fb圖片)
分享: