【此地冇銀?】方力申ig直播「女友」現身 鄧麗欣︰佢嘅嘢問返佢啦!

圖︰方力申日前開ig直播時有一女生入鏡,他即表示「她不是我女友」;Stephy被問及對此事的看法,笑指是「此地無銀」?(ig截圖)

鄧麗欣(Stephy)與前棒棒堂成員邱勝翊(王子)相戀;舊愛方力申(小方)則在ig直播時,令疑似「女友」入鏡。小方即時澄清否認「佢唔係我女朋友」,但女生驚慌掩面,真係難怪有人覺得成件事唔係咁簡單嘅!Stephy昨日(16日)出席活動被問及對此事的看法,就回應了一句︰「此地冇銀?」仲話要祝福小方?!

小方冇眼睇?「佢搞笑啫!」

對於佢同王子承認拍拖當日,小方於ig直播被問及有冇女朋友時掩面說︰「別提了!」Stephy就認為,「佢(方力申)搞笑啫,佢都好似唔係答緊呢個問題(Stephy跟王子拍拖)。」

而對於世界盃決賽當晚,一位女生於ig直播時入鏡,小方更刻意澄清對方不其女友,Stephy即笑言:「此地無銀?」Stephy指,自己冇睇過段片,「正如佢所講,佢嘅嘢問返佢啦!」對於小方祝福佢,Stephy就話︰「我都多謝佢,我都祝福佢啦!」

網友讚Stephy王子合襯

至於Stephy同王子正在熱戀中,好多Fans都讚佢哋合襯,Stephy回應指︰「我希望大家開心,得到大家嘅祝福都開心,多謝大家。」至於係咪視王子為結婚對象?Stephy就話︰「暫時唔講呢啲,太早喇!」

Stephy又話,收到好多朋友嘅訊息,多謝大家關心同祝福:「我要講嘅都講晒喇,感情事唔好擺得太高(調),我都唔想影響到佢同自己嘅工作。」

圖︰Stephy同王子嘅戀情曝光,唔少網民都讚佢哋好襯。(fb圖片)
分享: