【連把聲都似】燒桿工同劉德華撞樣 丫東哥「抖音」吸64萬粉絲

圖︰一位內地燒桿工人(左)被指樣貌激似劉德華(右),連唱歌聲音也很相似。(網上截圖)

普通人似明星時有發生,張敬軒早前亦找到9個同佢好似樣嘅人一齊食飯傾計!今次嘅撞樣事件發生喺內地﹐一位內地燒桿工人將自己平日開工嘅短片放上「抖音」,畀網民發現佢同劉德華撞樣,令呢位名為「丫東哥」嘅「燒桿界劉華」出咗名,仲扮埋劉德華唱歌,成功引來64萬粉絲關注。

「三七面」幾可亂真

單睇「丫東哥」的正面,可能都未覺得佢同劉德華有咁似,但當他戴埋帽,加埋「三七面」角度,簡直係「幾可亂真」呀!而呢位「燒桿界劉華」染咗一頭金髮,有啲似劉德華90年代尾至2000年初嘅造型;聽埋佢扮劉德華唱歌嘅片段,雖然咬字唔太正,但聲底真係好似!

有網民就留言話︰「上帝給你一個劉德華的臉,你竟然焊鐵玩?」其實「丫東哥」咁敬業樂業,焊鐵定唱歌又有咩所謂呢?

圖︰「丫東哥」(右)染咗一頭金髮,造型有啲似90年代尾至2000年初嘅劉德華(左)。(網上截圖)

[embedyt] https://www.youtube.com/watch?v=5Q0gG7Is8Ic[/embedyt]

分享: