【BB來了】李佳芯與奶奶婆媳關係好轉 黎諾懿「產後抑鬱」?

圖︰《BB來了》於婆媳關係上亦有着墨。(網上截圖)

無綫劇集《BB來了》當中有不少「貼地」金句,引發觀眾共鳴,播映後即獲熱論!劇中講到恬兒(李佳芯飾)同奶奶麗貞(盧宛茵飾)婆媳鬧不和;恬兒因細菌感染入院,「金牌陪月」佳妙(楊卓娜飾)帶允豬到麗貞家中照顧,同時教導麗貞育嬰知識。佳妙更用妙計,令致廷(黎諾懿飾)、恬兒與麗貞相互諒解,婆媳關係終有好轉。

致廷疑患產後抑鬱﹖

由恬兒懷孕開始就好大壓力嘅致廷,依然未能釋放,要到酒吧跳舞宣洩壓力;恬兒則懷疑丈夫患上產後抑鬱,搞到要搵「媽媽谷」的媽媽求助。後來,冠中(黃長興飾)告知恬兒,致廷迫佢其分餐廳股份畀自己;恬兒終下定決心辭職,接手「寶安心」的陪月中介生意,同老公「拍住上」,仲搵埋佳妙做公司顧問。

接手生意唔容易,恬兒亦面對囡囡唔肯食固體食物嘅煩惱,又上「媽媽谷」求助。恬兒又責怪致廷,於兩母女最需要他的時候不知所終,致廷為息事寧人而說謊,究竟婆媳關係好返,夫妻關係嘅暗湧又點樣平息呢?

圖︰致廷同恬兒夫妻關係將現暗湧。(TVB圖片)
圖︰吳家樂於劇中飾演中醫顧問長青,姚嘉妮則於劇中做陪月,飾演許朗。(網上截圖)
分享: