【事業愛情兩得意】Stephy感情事想低調 「低調是為保護戀情!」

圖︰Stephy默認與王子拍拖,同時希望戀情可盡量低調。(ig圖片)

34歲的鄧麗欣(Stephy)早前再次獲獎;她於《第16屆紐約亞洲電影節》獲得「亞洲新秀獎」,成為獲得該獎項的首位香港藝人。

Stephy昨日(15日)出席活動,被恭賀事業愛情兩得意;雖然她冇直認戀情,但問到係咪同邱勝翊(王子)拍拖,佢就話︰「感情事我想低調先,根據我過往經驗,感情係兩個人嘅事,因為身為藝人變得好透明,但低調係想保護戀情。」

二人早已認識 約食飯見面促成戀情

由於Stephy同王子曾經屬同一唱片公司,因此二人早已認識,至於令仲哋熟落嘅契機?Stephy簡單回應︰「都係朋友約食飯見面。」又認為如今已是2018年,大家對於姊弟戀的接受能力都好高。

而活動結束後,她亦有於ig貼圖及寫下:「我們付出的愛,必定能讓生命變得像蝴蝶一樣美麗。」男友王子亦有畀like,不少得知其新戀情的粉絲都送上祝福。

圖︰事業愛情兩得意的Stephy心情極靚,落雨都開心自拍!(ig圖片)
分享: