【貼地遊墾丁】林志穎一家夜遊大街 教大仔玩彈珠機回憶返晒嚟!

圖︰林志穎與太太和大仔去旅行,一家三口貼地夜遊墾丁大街。(微博圖片)

台灣藝人林志穎,經常與家人去旅行,享受家庭樂。上個月先去完美國度假,最近又同大仔Kimi和太太陳若儀一齊夜遊墾丁大街;佢仲教Kimi玩懷舊彈珠機,重拾兒時回憶。

平民衣著 不追名牌

雖然林志穎身家豐厚,但佢同Kimi只係以平民衣著出遊,仔仔同佢都只係身穿日本連鎖服裝店嘅T-shirt;據悉,仔仔T-shirt售港幣79元、林志穎身穿嘅男裝T-shirt都係售港幣99蚊咋!遊完墾丁嘅林志穎留言話:「墾丁大街玩彈珠台,許多回憶畫面浮現眼前。」相信佢係想同仔仔分享自己嘅童年玩意。

相片中亦有佢哋一家三口手拖手嘅背面相,見到Kimi全程拖實爸爸同媽媽,真係好sweet呀!林志穎太太陳若儀,2009年9月為林志穎生咗大仔Kimi,但因為志穎嘅爸爸去世,佢哋先在2010年2月註冊結婚,到2013年7月尾先同太太補辦婚禮。

2015年底,陳若儀再為林志穎誕下雙胞男嬰,取名Jenson同Kyson,組織一家五口大家庭。

圖︰Kimi全程拖實爸爸同媽媽。(facebook圖片)
分享: