【兩母女勁好傾】林青霞孖細囡買篋相被曝光 言愛全程乖巧黐實媽咪

圖︰林青霞日前被拍到陪細女邢言愛買行李篋,言愛與媽咪感情要好,全程乖巧黐實媽咪。(微博圖片)

現年63歲的林青霞,1994年與百億身家富商邢李㷧結婚,先後誕下女兒愛林、言愛。日前林青霞被拍得與已經17歲嘅細女邢言愛去中環名店shopping,言愛全程乖巧黐實媽咪,購物時更會問青霞意見,兩母女感情要好、勁好傾!

揀行李箱 有商有量

據傳媒報道,青霞同言愛先去睇鞋同太陽眼鏡,不過就冇收獲;雖然有一名保鏢同行,但無阻兩母女密密傾!到揀行李箱時,更加有商有量;由於有好多款式揀,言愛都好實際,希望個篋要實用。最後揀咗一個多格數嘅軟篋,方便收納多啲物品。

而青霞買在行李篋時,仲親自驗貨,逐條拉鏈試清楚;言愛就從旁「偷師」咁,望實媽咪驗貨。其實林青霞一向對囡囡十分保護,私生活亦相當低調,大多只會喺生日會先見到佢哋一家人露面。如今言愛同媽咪被偷拍,令佢哋日常相處嘅現況曝光,大家先知道佢哋兩母女原來咁friend!

分享: