【世界盃準決賽】吳尊帶囡囡NeiNei出國 莫斯科睇波兼旅遊

圖︰吳尊同囡囡NeiNei去俄羅斯,睇英格蘭對克羅地亞賽事。(微博圖片)

今屆世界盃準決賽昨日(11日)上映,吳尊更加帶到囡囡NeiNei出國,現場睇比賽開眼界!吳尊凌晨兩點幾於微博分享父女照,見到佢哋身穿英格蘭球衣,臉上分別畫咗英格蘭同克羅地亞嘅國旗,兩父女都笑得好開心。

為旅程都做足準備

日前吳尊亦有貼出二人準備出國嘅相片,見佢哋為今次旅程都做咗唔少準備,帶齊旅遊書、地圖等等,兩父女仲攞住書同地圖合照?!

大家如果有睇《爸爸去哪兒5》,相信都知道吳尊好識教囝囡,而NeiNei更加在節目中表現得善良勇敢、懂事貼心。今次吳尊同「前世情人」一齊睇波,同遊莫斯科,相信佢同NeiNei都好享受呢次旅程。

圖︰出發之前,吳尊已經興奮分享機票相。(微博圖片)
圖︰大家如果有睇《爸爸去哪兒5》,相信都知道吳尊好識教囝囡。(網上截圖)
分享: