【金秘書為何那樣】預告有床戲? 朴敘俊怕朴敏英發惡夢遂同睡

圖︰朴敘俊與朴敏英於劇中繼續甜蜜,劇集預告更出現疑似床戲!(網上截圖)

tvN人氣韓劇《金秘書為何那樣》今晚(12日晚)將播出第12集,而在預告中,飾演副會長的朴敘俊與「金秘書」朴敏英,更出現疑似床戲!在第11集中,朴敘俊與朴敏英終於「相認」,副會長更答應金秘書,以後不再向她隱瞞任何事;體貼的副會長深怕金秘書再發惡夢,更到金秘書屋企陪住佢瞓。

副會長病房內Back Hug金秘書

金秘書含淚道出︰「世上沒有可以永遠隱藏的秘密」,令副會長講出兒時一同被拐的真相,更承諾唔會再隱瞞金秘書。原來副會長9年前已經知道,金秘書就係當年一齊被禁錮嘅女仔「金微笑」,由於唔想對方記起恐懼往事,先唔認自己係一齊被綁架嘅男仔;二人少咗隔膜,感情又再進一大步,副會長仲忍唔住喺病房Back Hug金秘書?!

由於副會長擔心金秘書會諗起被綁架嘅事而發惡夢,喺金秘書出院後,副會長就提議佢去自己屋企瞓,金秘書當然婉拒啦!點知副會長又「諗到計」,就係去金秘書屋企同佢講:「既然你不想到我家,就讓我來你家,一起睡吧!」

呢一集副會長同金秘書相認,加埋甜蜜Back Hug,令收視再創新高,升至8.665%。而第12集預告入面,講到副會長又做「暖男」,成晚望住金秘書瞓教;仲有金秘書喺副會長屋企,疑似即將上演床戲!

圖︰副會長同金秘書感情再進一步。(網上截圖)
圖︰第12集預告講到副會長又做「暖男」,成晚望住金秘書瞓教。(網上截圖)
分享: