【Twins合體】阿嬌︰終於等到你 阿Sa︰你太有我心了

圖︰阿Sa同阿嬌同終於可以唞一唞﹐一齊食吓飯、傾吓計,最開心係,有賴生埋單!(ig圖片)

Twins難得合體!蔡卓妍(阿Sa)同鍾欣潼(阿嬌),日前一齊食飯,仲同可愛KOL豆豆、毛毛影相!阿Sa話,呢餐飯係由阿嬌嘅另一半賴弘國(賴生)埋單,而阿嬌知道好姊妹狗年犯太歲,仲送咗一條有兔仔耳嘅哈哈笑頸鏈畀阿Sa,真係好姊妹喇!

容祖兒留言︰你咁都犯太歲?

見到Twins一齊「放閃」,「龍虎豹」嘅另一員容祖兒都忍唔住現身。祖兒留言話︰「你咁都犯太歲?」阿Sa就話︰「哈哈哈哈/係囉!我仲要命中率好高/成日唔係沖就係犯/好彩條命夠硬」。至於阿嬌亦有在ig分享合照,留言話︰「我見sa媽仲多過見你 終於等到你 還好我沒放棄」,仲hashtag埋「#我和我的愛人們」!

阿嬌呢一輪嘅飯聚,賴生都有一齊出席;2日前喺ig亦搵到阿嬌、賴生,同埋豆豆、毛毛嘅合照。唔少網民仲大讚賴弘國靚仔!

圖︰阿嬌同賴弘國,亦有一齊同豆豆、毛毛合照。(ig圖片)
分享: