【三囡出世!】陳倩揚順產誕8磅女兒 「有一刻痛到想暈!」

圖︰陳倩揚今日(11日)誕下8磅女兒,母女平安,這是她的第3胎。(網上圖片)

08年港姐亞軍陳倩揚,今日(11日)為老公陳浩然誕下8磅女兒,母女平安,這是她的第3胎,也是家中的首名女兒。倩揚話,雖然係第三次懷孕,但心情仍然有啲緊張;同樣選擇順產嘅倩揚話,作動到生之間時間唔太長,但好似痛過上兩次,「去到醫院已經開咗兩度,跟住四度、八度,真係有一刻痛到想暈!」

沖涼洗頭講故事 忍住痛等囝囝瞓

倩揚話前幾日已經有預感應該呢一、兩日會生,所以做晒準備叫媽咪嚟屋企相伴,又拜托經理人隨時候命接電話,「噚晚食飽飽同糖水,之後有作動感覺,嗱嗱聲去沖涼洗頭,當時係小朋友講故事瞓覺時間,忍住痛等佢哋瞓咗先去醫院。」

而倩揚最關心係,老公陳浩然會唔會來得及睇見證囡囡出世呢?倩揚話,之前陳浩然同哥哥要去日本參加交流活動,星期一(9日)晚先返到香港;妹妹都好乖,畀爸爸休息一晚先至出世﹐所以令倩揚好感動!倩揚又話,兩位哥哥今朝同佢通電話,知道妹妹出咗世都好興奮。

圖︰老公陳浩然星期一(9日)晚返港,來得及見證囡囡出世。(網上圖片)
分享: