【用眼神教仔】周汶錡兩子唔敢駁嘴 「我一厲住佢就會驚!」

圖︰周汶錡同法籍老公Julien育有兩名兒子,大仔Jacques啱啱滿3歲。(ig圖片)

名模周汶錡(Kathy)2012年與法籍老公Julien結婚,更先後誕下兩個囝囝。成日都講,華人同西方人嘅育兒方式好唔同,Kathy作為兩個混血BB嘅媽咪,又有咩育兒心得?原來Kathy都崇尚建立「媽咪Power」嘅形象,認為對囝囝都要有惡嘅一面,不過佢有多一個法寶,就係眼神喇!

Kathy話︰「兩個仔都唔會蝦我,佢哋反而好嗲我;不過我都需要有番媽咪嘅power,都要惡同埋要教㗎!」佢又話囝囝都唔會駁嘴,「佢唔敢,我一厲住佢就會驚,兩個都怕我嘅。」

小朋友犯錯 要學識講Sorry

囝囝通常都比較調皮,但Kathy面對囝囝犯錯,除咗用眼神叫停佢哋,更加會教佢哋。Kathy指︰「小朋友乜都唔知,一做錯我就要佢哋say sorry;好似平時對姐姐要當屋企人,不過(照顧)兩個仔有時勞氣啲,要好有精力。」

大仔Jacques啱啱滿3歲,Kathy亦要為囝囝入學做好安排,「我冇乜特別安排,有一間OK我就得,我揀咗傳統學校,讀唔到先轉番國際學校。」

圖︰周汶錡嘅兩個囝囝相處融洽,當然再可愛嘅小朋友,亦有調皮嘅時候。(ig圖片)
分享: