【新楷女郎現身?】傳李澤楷酒店會美女 郭嘉文與閨密出遊

圖︰郭嘉文6月尾話自己開工,又同好姊妹林凱恩甜蜜出遊,唔知係咪要密密傾心事呢?(ig圖片)

郭嘉文6月尾喺ig話自己開工,奇就奇在,身為「楷女郎」又點洗開工呀?點知今日(11日)有周刊爆料,話6月時見到李澤楷去咗半島酒店,仲同一位斯文長髮女子傾密偈,且表現親暱。至於郭嘉文,雖然7月頭都有同李澤楷去旅行,但究竟佢係咪失寵?依然係一個謎!

郭嘉文孖實林凱恩旅行

而要「開工」嘅郭嘉文,6月尾同喺佢ig曝光率都幾高嘅林凱恩甜蜜出遊,仲影埋「拖手照」放閃。不過見郭嘉文喺最近影嘅相入面都冇乜大笑,時而微笑、時而扮Cool;去旅行都就住就住,唔知係咪受感情事影響喇!

而傳聞中的「最新楷女郎」,除咗有白淨長腿同長髮,個樣亦同李澤楷舊愛梁雯影有幾分相似。其實自2011年與梁洛施分手後,喺李澤楷身邊出現嘅「楷女郎」就換完一個又一個。2016年情人節,李澤楷被爆與郭嘉文同遊日本東京,成為「楷女郎」後,郭嘉文即有司機接送,又坐遊艇出海,有傳佢仲獲送價值1億嘅九龍塘逸瓏豪宅呀!

圖︰郭嘉文近期嘅ig獨照,頂多都係微笑,更多時候是Cool Cool的。(ig圖片)
分享: