【四囡出世!】張新悅誕2.65公斤女兒 ig貼相喜迎楊家新成員

圖︰42歲的張新悅於7月7日誕下女兒Lola,先後為老公楊哲安誕下4名千金。(ig圖片)

現年42歲的張新悅(Nicola),2007年與現任中西區區議員楊哲安結婚,更先後誕下3個囡囡;今年1月一家5日拍片宣布Nicola意外懷上第4胎,今日(10日)在ig分享相片同影片,宣佈四囡Lola已於7月7日出世!

嫌自己唔夠靚 要化妝才拍片留念

Nicola於ig留言話︰「Good morning I’m Lola. The latest addition to the Young family. 本來前日就可以同你地見面,但媽咪嫌自己唔夠靚要化返個妝先同大家見面還要拍條片留為紀念,真覺得自己被寵愛。」而四女兒Lola亦是由著名婦產科醫生陳世樂接生的。

而Nicola分享嘅照片同影片中,亦有楊哲安入鏡,認真甜蜜溫韾!而懷孕期間,Nicola更得到好多品牌贊助,包括︰有機產品、上奶和產後護理、染髮產品、天然尿片、滴雞精、BB車等,Nicola的好姐妹更送上合用的二手物品同禮物,令Nicola好感動!

女兒名稱與IQ博士有關?

媽媽Nicola仲透露,為四囡起名Lola,竟然係同IQ博士有關!Nicola話︰「望着她心裡會唱起IQ博士『小雲同小吉好重要』所以改她為『小雲』Lola。」而小雲出生時重2.65公斤,Nicola自言,囡囡「皮膚紅紅很趣緻」!

而Nicola接受傳媒訪問時話,佢頭兩胎都係順產,第3胎為緊急開刀,而今次醫生都係建議開刀。而Nicola更指︰「因為我都係瞓響度等,老公咪同我傾計,傾傾吓都唔記得要剪臍帶!」

圖︰Nicola話,望住四囡,心入面就係唱起IQ博士「小雲同小吉好重要」,因而為她起名「小雲」Lola。(ig圖片)
圖︰Nicola的大囡、二囡、三囡亦非常可愛!(ig圖片)
分享: