【過億豪宅】陳奕迅2.31億購南區洋房 容祖兒2億購淺水灣貴樓

圖︰容祖兒同陳奕迅作為香港天后、天皇,分別都擁有2億豪宅。(網上圖片)

「歌神」陳奕迅(Eason)早前出席台灣金曲獎,對蕭敬騰擁有的六星級豪宅大感驚訝!而其實除咗Eason擁有2.31億的南區低密度式洋房,天后容祖兒早前亦斥2億購入淺水灣道豪宅,加入過億業主行列。究竟娛樂圈仲有邊位過億業主?即刻睇吓先!

陳奕迅

陳奕迅於2013年豪擲2.31億港元,購入南區壽山村道低密度式洋房,作為送過太太徐濠縈的禮物。該洋房的實用面積約為3,238呎,並有近1000呎花園;當然比起蕭敬騰貴好多同細好多啦!據悉,Eason更加要每月用70萬供樓,確實唔係人人做得到!

容祖兒

樂壇天后容祖兒,早前亦斥資2億港元,購入淺水灣道56號豪宅。最近祖兒撰文談到出世時家住蝴蝶谷木屋區,每日要自己打水洗澡、自己倒痰罐;如果遇上打風落雨,周圍仲「黑麻麻」,要用多個膠桶盛雨水!之後祖兒家人抽到公屋,先搬到恆安邨住;出名勤力的祖兒如今可成為過億業主,的確值得敬佩。

王祖藍

近年在內地搏盡搵真銀的王祖藍,2015年以過億港元買入大埔逸瓏灣頂層複式單位,而且仲係連私人空中泳池嘅;單位面積3,000呎,相信佢同太太李亞男都好滿意呢個愛巢!又愛妻又孝順嘅祖藍,不但同李亞男住豪宅﹐據悉佢係用1億6千萬,連掃逸瓏灣3個豪宅單位,送畀老婆同父母,真係抵佢紅!

圖︰王祖藍努力於內地搵真銀,終在2015年以逾億購入大埔逸瓏灣頂層連私人空中泳池複式3,000呎單位,作為自己與太太李亞男的愛巢。(網上圖片)

除咗以上3位,古天樂於2016年亦以1.5億元購入深水灣獨立豪宅;而影帝張家輝於2017年以1.31億元購入中半山嘉慧園,實用面積超過3,000呎!至於張智霖,去年都以近億港元,買入大坑大寶閣一個高層連車位單位,實用面積逾2,000呎。

圖︰張智霖去年以近億港元,買入大坑大寶閣一個高層連車位單位。(ig圖片)
分享: