【超級辣媽2】97年港姐冠軍翁嘉穗 任內地節目評判分享湊仔心得

圖︰97年港姐冠軍翁嘉穗為老公鄔友正公司贊助的節目擔任評判及頒獎嘉賓。(ig圖片)

97年香港小姐冠軍、現年43歲的翁嘉穗,99年與比其年長20歲的海馬老闆鄔友正結婚,二人育有兩子。翁嘉穗最近參與由海馬床褥全力贊助的內地真人騷節目《超級辣媽2》,並擔任評判及頒獎嘉賓。翁嘉穗於受訪時,亦有分享湊仔心得,但自言不會參賽,稱自己比較適合做評判。

大仔與細仔相差15歲

翁嘉穗與鄔友正年紀相距大之餘,他們兩位兒子年齡亦相差十五年!細仔於今年6月剛剛滿3歲,而大仔早前則在「香港健力錦標賽」青年組奪得冠軍,同媽咪一樣成為冠軍級人馬。

講返《超級辣媽2》節目,翁嘉穗大讚參賽的「辣媽」,話當中有名模、世界小姐、專業人士等。作為香港小姐兼兩個囝囝的媽咪,翁嘉穗又會否參賽?她直言︰「做評判合適啲!」而翁嘉穗又話自己係稱職媽咪,每日都會Keep住最佳狀態!

而翁嘉穗認為,做媽咪最緊要學識唔好執着,要畀多啲自由佢哋。翁嘉穗仲提到剛剛生日嘅細仔,她說︰「佢(細仔)比較定,鍾意睇書學字,比較鍾意學術嘢。」

圖︰《超級辣媽2》共有5位評判,名模周汶錡(右一)亦是評判及頒獎嘉賓之一。(ig圖片)
圖︰翁嘉穗嫁入豪門,生活幸福美滿。(ig圖片)
分享: