【蟲草之星】米雪三哥夾份養馬 苗僑偉首嘗「拉頭馬」喜悅

圖︰米雪與苗僑偉夾份養馬,「蟲草之星」大熱開齋,三哥有得拉頭馬,場面墟冚!(微博圖片)

「日日Keep住食,藥箱都變成首飾箱啦!」聽到呢句對白,大家應該都會諗起苗僑偉(三哥)同米雪嘅蟲草膠囊廣告。佢哋近日仲夾份養馬,將馬名改為「蟲草之星」;琴日(8日)「蟲草之星」大熱「開齋」,三哥更首嘗「拉頭馬」喜悅!

米雪被fans截住 錯過與愛駒合照

「蟲草之星」是一頭3歲的澳洲自購新馬,身價288萬元;首度上場已在96倍下跑第三,今次由「雷神」莫雷拉策騎,令「蟲草之星」以頸位之先首駒衝線,更獲頭馬獎金501,600元。賽後苗僑偉領軍拉頭馬,場面充滿歡樂!

不過,米雪卻因為被fans截住簽名及影相,錯過與愛駒「蟲草之星」合照。對於此事,米雪大方表示,「唔緊要,同啲影迷、馬迷影相都一樣開心架!」米雪身穿紅色衫去馬場,自言要「旺一旺」,仲話︰「隻馬近期好fit,上次第一次比賽已經跑第3,好多朋友都話隻馬得,狀態好好,加上我哋有好好嘅練馬師同騎師,所以第二次出賽已經有咁好成績,希望嚟緊一啲大賽佢可以勝出啦!」

圖︰「蟲草之星」贏馬,大批親友一同與騎師、三哥及米雪合照。(微博圖片)
圖︰三哥同米雪合作拍攝的蟲草廣告深入民心。(網上截圖)
分享: