【親自落水】方力申開游泳學校 「希望大家見到我的誠意!」

圖︰方力申開游泳學校,不時親身落水教學生。(ig圖片)

唔少人都知道,方力申在加入娛樂圈前係香港隊泳手,佢曾經創下200米背泳及400個人混合泳兩項香港紀錄,至今仍未有人打破!最近,方力申決定與拍檔開設游泳學校,希望培育新一代「飛魚」;更不時推掉工作,親自落水教學生。小方坦言︰「希望大家見到我的誠意!」

料首月蝕10萬 教學生面對失敗

據悉,小方投資7位數字開游泳學校,並預計首月要蝕10萬元。小方指︰「我當然怕蝕晒所有積蓄,所以不可以長期虧本;不過我選擇做教育,是想更多人受惠,就算蝕緊錢,我都蝕得幾開心!」

小方表示,自己一有時間就會親自落水教學生,但唔敢長期教,「如果我收你10堂錢,中間又走去拍戲兩個月,對小朋友都唔好!所以大家可以視我為甜品,或者多個救生員。」他又指︰「有時間我會同家長溝通,睇吓佢哋有咩要求。」

對於小方而言,學游水不只為比賽,也是修心的方式︰「游水改變了我的性格,令我腳踏實地做人。其他泳會可能會教小朋友點樣游得快和贏比賽,但方力申是教你們怎樣去輸,怎樣面對挫折失敗!」

圖︰小方表示,自己不會長期教學生,但會不定期落水執教。(ig圖片)
圖︰小方獲小朋友贈送圖畫致謝,他於ig留言指︰「這是做演員得不到的另一種快樂!萬事起頭難,我們一定會堅持到底!多謝」。(ig圖片)
分享: