【由劇場到紅館】助開首個棟篤笑 黃子華見林祖輝即哭崩!

圖︰曾助黃子華開第一個棟篤笑的林祖輝,早前到場看《金盆?口》演出,當他現身後台探班,子華即哭崩與林祖輝相擁。(微博、fb圖片)

黃子華正於紅館舉行一連26場棟篤笑《金盆?口》,曾經與他於1990年籌辦第一個棟篤笑show的林祖輝,日前亦有到場欣賞演出。當林祖輝現身後台,子華即哭崩並與林祖輝相擁,兄弟情之深不言而喻。

助填表Book場 一同貼街招拉Banner

子華90年於文化中心劇院舉辦首個棟篤笑《娛樂圈血肉史》第一集,由於當時棟篤笑文化在香港還未被廣泛認識,林祖輝就與子華「拍住上」,為他攞表Book場,仲一齊去油麻地貼街招、太空館門外拉Banner!

林祖輝接受媒體訪問時憶述,「當年喺文化中心搞(棟篤笑演出),得300幾個位,仲要開兩場,大家都驚冇人買。」幸好首個演出已Full House爆滿,子華後來把演出場地搬往伊館,再由伊館搬到紅館。林祖輝又指,「睇番佢今次開騷前嘅video,好似話你知,所有嘢將告一段落咁,我睇到都有啲感覺(觸)。」

祖輝坦言,現在大家各有各忙,兩兄弟已甚少聯絡。今次子華見到祖輝哭崩,祖輝就話︰「佢未講嘢都震晒,佢唔知我喺度!」

圖︰子華第一個棟篤笑為《娛樂圈血肉史》,當年他更親自在劇場「攝場刊」。(網上截圖)
分享: