【乜咁啱嘅?】梁洛施ig貼工作相 「新楷女郎」郭嘉文都有工開

圖︰梁洛施日前宣佈復工,而李澤楷「新歡」郭嘉文亦於ig指自己開工。(ig圖片)

梁洛施(Isabella)與李澤楷分手後,李澤楷先後與多位女星去旅行,近期更鎖定15年港姐季軍郭嘉文為「新楷女郎」。梁洛施日前宣佈復工,於ig貼出工作相;成日周遊列國的郭嘉文亦於ig貼圖,指自己「開工嚕」,不過二人均未有公佈開咩工,似乎要保持神秘。

Isabella與Angelababy經理人合作

上月Angelababy經理人Kim宣佈會以個人名義與Isabella合作,而Isabella將接的工作包括拍戲。昨日(8日)晚上,Isabella在ig貼出化妝、set頭相,陣容強勁。不過Isabella經理人Kim暫未公佈這次工作的詳情,稱要保持神秘。

Isabella自從29+1生日開新ig之後,始乎都有個愉快又充實嘅新開始。連Sammi鄭秀文都留言為佢打氣話:「新開始。掂!勁!正!」唔少網民亦有留言叫Isabella加油。

郭嘉文周遊列國好輕鬆

至於榮升「新楷女郎」的郭嘉文,同無綫完約後,主要「工作」就係陪李澤楷去旅行;而佢最近又同朋友周遊列國去旅行,仲影咗唔少靚相!

旅遊經驗豐富的郭嘉文更留言指︰「有沒有一種感覺/只要穿上美美的裙子旅行/心情都會變得晴朗/真正享受每分每秒。」佢仲hashtag「#謝謝親」同「#開工嚕」,不過開咩工﹐就真係唔知喇!但另一張相,見郭嘉文話「#50層樓高都沒在怕」,應該都算「高空工作」嘅。

圖︰郭嘉文去咗50層高嘅大廈影梳。(ig圖片)
圖︰Isabella除咗開工,仲不時約好姊妹相聚。(ig圖片)
分享: