【結婚23年】鬧情緒? 傳錢慧儀與馬清揚婚姻現危機

圖︰有傳馬清揚與錢慧儀婚姻現危機。(網上截圖)

1981年港姐錢慧儀(Winnie),本身是個傳奇。參選港姐那年,原冠軍羅佩芝被爆虛報年齡而被褫奪后座,Winnie因此從季軍變亞軍;95年與香港大生銀行後人馬清揚結婚,育有兩子一女。二人結婚23年經常孖住出席活動,最近卻傳Winnie與馬清揚婚姻現危機,原因竟是Winnie「鬧情緒」?

曾與父母起金錢爭拗

Winnie嫁入豪門,卻因而與父母起金錢爭拗。98年其父突然跪於Winnie寓所樓下,要求對方歸還半山嘉兆臺的150萬首期,仲話自己無力供樓,隨時要瞓街;至同年10月,嘉兆臺因為欠供款,畀銀行收番。99年Winnie現身哭訴父母「賣女」,仲話因其父拒絕賣樓,搞到佢要賠40幾萬訂金畀買家。

其後,其弟弟於2001年猝逝,Winnie曾於受訪時表示︰「佢哋從來都無當我哋係仔女,成日就係講錢。嗰次我唔應承佢哋買大啲單位,唔畀錢,佢哋就話會利用傳媒玩我,令我無地自容,唔會放過我。」又指其弟在家食「Fing頭丸」,其母更指「食一粒半粒無所謂」,Winnie指︰「我都係人哋媽咪,點解可以畀個仔女食呢啲嘢?」

不過,至2009年其母疑於東涌馬灣家中自殺,享年68歲,消息指因情緒病厭世所致;Winnie痛失弟弟與母親,她與爸爸關係才和好如初。

Winnie未有出席二子畢業禮

至最近,Winnie與馬清揚未有再一同出席活動,最近一次已是去年除夕派對;最近馬清揚現身英國出席二子的中學畢業禮,卻不見Winnie身影;而馬清揚回覆傳媒查詢時,指Winnie去美國探大仔,又指雙方冷靜緊,有啲情緒。

現時Winnie於美國休養,馬清揚則希望太太健康;同時他亦不想子女為此擔心。

分享: