【深宮計變舞台劇?】台詞文縐縐 馬浚偉︰驚望住都講唔到台詞

圖︰馬浚偉正於演藝歌劇院上演自編、自導、自演及監製的舞台劇,但對於《深宮計》要為舞台劇,馬仔就擔心台詞太難記。(網上截圖)

已大結局的無綫重頭劇《宮心計2深宮計》收視理想,據監製梅小青上星期三(4日)宣佈,劇集雙語播放量已破30億!對於將《深宮計》變為舞台劇上演,正於演藝歌劇院上演自編、自導、自演及監製舞台劇的馬浚偉(馬仔)坦言,《深宮計》台詞太文縐縐,「我驚望住都講唔到啲台詞。」

胡定欣︰要植入晶片先搞得掂

有份參演馬仔舞台劇的胡定欣亦表示,深宮計》對白多,真係要幫演員植入晶片先搞得掂!講返馬仔呢個舞台劇《偶然·徐志摩》,其實係馬仔同定欣首度合演舞台劇;可能因為大家一齊拍劇對戲對得多,演舞台劇時都好有默契!

馬仔的舞台劇更獲《深宮計》總監製梅小青,以及多位演員到場支持;謝雪心(心姐)到埸看劇更受到Fans歡迎,大叫佢章尚宮!心姐開心之餘亦爆咗件瘀事,佢話:「前日去慶功,入到去個個都叫我章尚宮,又同我握手同影相,我以為係啲唔識嘅高層,點知原來我入錯房!真係好好笑。」

圖︰馬仔同定欣首次合演舞台劇,但已默契十足!(微博圖片)
圖︰馬仔仲喺歌劇院踩單車!(fb圖片)
分享: