【集體回憶】再見啦《體育世界》! 最後一集完歷史任務

無綫即將大裁員,體育組無奈地在名單之內,即將解散體育組約30人,多名資源體育記者較早前亦炮轟無綫的做法是對體育的輕視及對不尊重體育記者的專業,而自1980年啟播《體育世界》,昨日下午12點更是最後一集,正式完成歷史任務,MyTV Super體育台亦只做到8月15日,令人婉惜。

《體育世界》最後一集展出最後一代班底大合照。(《體育世界》節目截圖)

最後一集《體育世界》由李思雅、黃庭鋒主持,但半小時節目裡,兩位主持未有道別。節目尾聲,播出《體育世界》熟悉的主題音樂,畫面緊接播出38年來不同logo,之後歷代主持的精選片段,包括林嘉華、程思俊、陳秀珠、鍾志光、賴汝正、陳尚來、勞嘉琪、韓毓霞、鄧世勤、葉尚華、馬啟仁、林尚義、陳敏兒、潘宗明、梁頌恩、戴耀明。節目最後一個定格,是最後一代《體育世界》班底大合照。

《體育世界》非無綫官方fb更發文「今日比較冷清d,得小編為大家主持當個個都成日以為《體育世界》好耐之前就無咗,其實我哋仍然默默存在。但嚟到今集《體育世界》,我哋真係正式大結局啦!仲記唔記得我哋個首比「綠袖子」仲入腦嘅主題曲呀?仲記唔記得細個嘅時候,一到周末就會坐係電視機面前睇住《體育世界》?少年,你已經不再年輕了。哎!傷心事唔講咁多!又暴露年齡。今集嚟到最後一集,話咁快嚟到尾聲,到咗最後嘅無獎問答遊戲時間,問題係:請列出最後一集體育世界中,最後出現嘅歷代主持名字。(提示:片尾有彩蛋)喂!係今日(7月7日)中午12點TVB【體育世界】呀!聽聞片尾仲有彩蛋架!有今生無來世,MyTVsuper無得重溫架,快d叫醒你個fd一齊睇啦!好(拍一下手),呢個時候,小編最後嘅小小請求,希望大家能夠share呢個post,係最後嘅最後有更多嘅人陪伴節目走到最後一刻。感激!」最後更TAG有「#後會有期」。

分享: