【司馬燕病逝3年】前夫吳忠義極速拍拖 與Beth峇里行婚禮

圖︰司馬燕病逝3年,前夫吳忠義極速走出亡妻傷痛,昨日(5日)於峇里與拍拖兩年的Beth結婚。(網上圖片)

藝人司馬燕2012年證實患上胃癌,後於2015年1月不敵癌魔病逝;其前夫吳忠義(Togi)極速走出亡妻傷痛,於兩年前被爆另結新歡,與Beth在酒吧又攬又錫。拍拖兩年,Togi同Beth昨日(5日)於峇里結婚,舉行浪漫海邊黃昏婚禮。

Beth曾離婚 育有女兒

Togi同Beth近年愛得高調,不時於社交網晒甜蜜相片「放閃」,二人終於結婚,Togi都不忘於ig公佈喜訊,仲貼上一張用瑰玫花砌成心型嘅「床照」,留言﹕「#congratulations To us」。

成為吳太嘅Beth,早於同Togi拍拖時已被「起底」,仲被爆曾經離婚同育有女兒;不過既然二人都係單身,都唔太介意讓戀情曝光。如今二人結婚,Togi同司馬燕所生嘅囝囝澋滔(Ian)同澋燿,都有現身送上祝福,Ian仲做埋DJ負責音響部份。

至於新娘子Beth就身穿純白色入膊Deep V婚紗登場,面對峇里嘅無敵海景,加上黃昏Magic Moment,Togi同Beth嘅浪漫婚禮得到唔少朋友留言祝福。

圖︰Togi與Beth於峇里結婚,Togi仲分享甜蜜「床照」。(ig截圖)
分享: