【金盆?口】黃子華棟篤笑今晚開騷 Fans拒買「黃牛」嗌出碟!

圖︰黃子華最後一個棟篤笑今晚開show,唔少Fans堅拒買「黃牛」,只好在網上嗌「出碟」。(fb截圖)

黃子華最後一個棟篤笑《金盆?口》,今晚(6日)8點15分喺紅館開Show。買到飛嘅觀眾當然係準備入場嗌「回水」啦,但一班堅拒買「黃牛票」嘅Fans,就只好在facebook嗌「出碟」!

連開26場都買唔到飛 Fans跪求出碟

子華神昨晚(5日)在facebook溫韾提示觀眾,今次棟篤笑真係「18禁」︰「今次明天(6日)就開始連續26場的棟篤笑,再提多次大家,十八歲以下人仕是不能進場呀!」子華為咗讓更多觀眾可以入場,決定用盡紅館檔期,連做26場;不過面對「黃牛黨」,唔少Fans都留言話︰「我都好想睇你talk show,但無辦法在正常途徑買到你既門票,決定聽你話唔買黃牛,等你出DVD,Good show」、「拒絕黃牛,等你出碟,支持你,支持正版,good show」。

日前就有一批Fans因想睇到子華棟篤笑,而不慎受騙;最少23人於社交平台向一名中介購買棟篤笑飛,完成付款卻攞唔到飛;受害人包括學生,合共損失約15萬元!其實子華神一早就教Fans唔好買「黃牛」,聽話Fans更留言話︰「網上大把黃牛飛,$880仲炒緊$14xx-$15xx,我點都唔會買㗎!等出正版碟⋯等佢哋啲黃牛蝕死佢」。

圖︰子華於facebook提觀眾,今次演出真係「18禁」。(fb截圖)

出「回水」杯 現場賣DVD

而睇show觀眾,經過紅館小食店旁,更可買到寫住「回水」嘅《金盆?口》特別限定紀念杯,同埋對上一個棟篤笑《唔黐線 唔正常》嘅DVD!子華喺facebook介紹話:「飲水又得,食飯又得,?口又得,擺設又得,紀念又得,總之…..你想到就得,而最緊要,係限量㗎!」

如果你未現場睇過子華演出,除咗要識得嗌「除褲」同「回水」,仲要睇定先好拍手掌呀!子華神講過︰「你拍手掌要睇吓隔離有冇人拍先好拍,冇人拍?慳返!」因為無端端拍手係好奇怪嘅事,子華話可能會被人以為你係精神病患。

圖︰唔少Fans都拒買「黃牛」,跪求子華神出碟;亦有Fans嗌直播演出。(fb截圖)
分享: