【金秘書為何那樣】朴敘俊變「暖男」 拉朴敏英衣櫃激吻

圖︰《金秘書》人氣急升,朴敘俊仲做埋暖男,幫朴敏英影印、沖茶、煮咖啡。(網上截圖)

tvN人氣韓劇《金秘書為何那樣》,朴敘俊同朴敏英嘅「咀嘴戲」成為焦點!而朴敘俊更一改副會長嘅威勢,變身「暖男」為朴敏英影印、沖茶、煮咖啡,並再次向朴敏英求婚呀!

朴敘俊再度求婚 朴敏英微笑拒絕

第8集入面,朴敘俊同朴敏英以「初吻」訂情,朴敘俊仲叫朴敏英做「我的女人」!劇情進入第9集,朴敘俊再次向朴敏英求婚,可惜朴敏英再度微笑拒絕。點知見完朴敏英嘅朴敘俊番返轉頭話:「我驚自己成晚都會諗起你,因為怕你都會成晚都諗起我,所以我先返嚟。」

返到公司,朴敏英望住朴敘俊瞓覺,朴敘俊瞓醒即刻攬實朴敏英。朴敘俊為咗改變同朴敏英嘅上司秘書關係,竟然變身「暖男」,幫朴敏英影印、準備咖啡!仲為佢第一次親手沖茶,點知燙到朴敏英;朴敘俊即時緊張慰問,卻被其他同事見到而議論紛紛。

朴敏英喺劇中最想認返當年被誘拐嘅哥哥﹐佢更加認為呢個人就係朴敘俊。雖然朴敘俊一直否認,但當朴敏英不自覺向朴敘俊叫哥哥個名「成賢Oppa」嘅時候,朴敘俊竟然應咗朴敏英一聱:「嗯!」至於今晚(5日晚)播映嘅第10集,朴敏英會以村姑打扮去摸蜆,唔知可唔可以救返微跌嘅收視呢?

圖︰朴敘俊竟然變身「暖男」,幫朴敏英影印!(網上截圖)
分享: