【星二代風範】李嫣法國行天橋 李亞鵬撐場星味爆棚

圖︰王菲與前夫李亞鵬所生嘅愛囡李嫣,12歲就到法國行時裝騷。(網上截圖)

王菲同前夫李亞鵬所生嘅愛囡李嫣,今年已經12歲。李嫣自小患兔唇,但經歷多次手術之後,如今已明顯好轉,李嫣亦變得自信又樂觀,仲會自拍影片放上網!日前佢就同爸爸李亞鵬一同到法國出席時裝騷,李嫣喺天橋上星味爆棚,好有媽媽王菲嘅天后風範。

着童裝行騷 網民大讚

李嫣先後着上休閑裝同斯文吊帶長裙,真係休閑Look又得、女神Look亦得,得咗!而李嫣着住休閑Look出場時更單手插袋、面帶微笑,似乎自信十足;着女神Look時更不時揈頭髮,好次買洗頭水廣告咁,總之就好有王菲嘅天后風範啦!

好多網民都大讚李嫣好型、好Cool同有自信。其實佢早身穿藍色裙配濶邊帽抵達機場時,已經星味極濃,而家嘅「星二代」真係好強勁呀!

圖︰李亞鵬等人都有出席時裝騷捧場。(網上圖片)
分享: