【點解要出家?】與廖安麗結婚逾廿載 葉青霖生日決心去修行

圖︰香港知名攝影師葉青霖與藝人廖安麗於1986年結婚,2010年驚傳二人離婚,原來係葉青霖決定出家。(影片截圖)

香港知名攝影師葉青霖同藝人廖安麗(Annie),曾經相愛、結婚逾廿載,於2010年卻離婚收場。沒有「第三者」、相處無問題,離婚原因是葉青霖要出家修行。葉青霖如今法號釋常霖,換了稱呼和身份,常霖法師邀請Annie拍攝佛教訪談節目《常霖有請》,細訴二人相識到出家的故事。

因影相而認識 為Annie戒煙

當年賈思樂介紹幾位TVB年輕女藝人給葉青霖影相,Annie就是其中一人。常霖法師憶述︰「當時都冇乜特別感覺,後來係因為一班後生仔一齊出去玩,我覺得你係比較特別,因為你好抵得諗,所以你做好多嘢都好主動去為其他人服務。我覺得點解會有人咁肯為人?所以我就變咗好欣賞你。」

當時一日抽兩包煙的葉青霖,更因為Annie而戒煙,「你話你雖然唔贊成人食煙,但我唔會叫你依家唔好食煙,我覺得呢個心態幾得意,你唔會勉強朋友做佢哋唔想做嘅事,當時我覺得呢個人幾特別,於是我返去就諗,不如我試吓為佢戒煙!」Annie續說:「結果你第二朝起身就冇食、話戒就戒!我當時真係好感動!」

婚後移民澳洲 Annie卻想回流

二人終於1986年結婚,婚後育有兩女,至92年更舉家移民澳洲。Annie指,當時原本想喺澳洲住滿兩年入籍就回流香港,「點諗到法師你原來咁鍾意嗰度嘅環境,直情係唔願走!對小朋友當然係好好成長環境,但我始終香港土生土長,無論語言、文化,我都覺得生活上有障礙。」Annie曾多次說服葉青霖回流,但佢都係唔贊成,「所以當時真係唔開心。」

後來葉青霖想通了,99年舉家回流。葉青霖於回流後繼續攝影工作,卻早已在澳洲時已決定要全職修行;一直等去2008年,葉青霖於生日當天決心走上修行之路!常霖法師指,他在出家前早晚都有打坐習慣,當日早上打坐後,突然想到,生日就等於生命又短一年,於是決心向佛,更在吃早餐時告訴Annie。

「辭親」儀式 二人哭別

Annie其實早已知道葉青霖有此想法,早於澳洲時已有心理準備,不過到葉青霖在台灣進行「辭親」儀式時,Annie突然流淚。常霖法師坦言:「嗰個位我同你都喊!」

Annie稱,當時根本不知道有此環節;而當常霖法師向她下跪時,她就不忍落淚:「『辭親』係一個儀式,係向至親嘅人say goodbye,咁……我係唔知嘅,因為你冇講俾我知。」

圖︰Annie指,曾經多次有唔認識嘅人走埋嚟﹐握住我隻手話︰「我好支持你㗎,你撐住…」說時也忍不住流淚。(影片截圖)
圖︰Annie直言,當時EYT節目的同事不太看好她與葉青霖的戀情,認為葉青霖並非認真。(影片截圖)
圖︰節目中分享了多幅Annie與葉青霖的舊照。(影片截圖)
分享: