【深宮計】連蕭正楠都要死?大結局彩蛋竟然係佢……

圖︰唔通《深宮計》大結局,連蕭正楠都要死?而彩蛋竟然係麥玲玲!(網上截圖)

無綫重頭劇《宮心計2深宮計》仲有兩集大結局,宮女若芊(黃心穎飾)同鄭純熙(周秀娜飾),先後於王皇后(胡定欣飾)手下慘死,真正身份係肅明皇后遺孤嘅何離(蕭正楠飾),仲被李美慧飾演嘅宮女狠狠插咗一刀!唔通大結局連蕭正楠都要死?而結局彩蛋,竟然係「睇掌睇掌睇相」嘅麥玲玲!

肅明皇后遺孤 何離身份惹殺機

因為何離係肅明皇后遺孤嘅身份,令太平公主(陳煒飾)同李龍基(馬浚偉飾)都想拉攏佢,從而保住自己嘅地位。而王皇后(胡定欣飾)拜祭純熙嘅時候,發現元玥(劉心悠飾)家姐嘅死,係同太平公主有關!馬浚偉更用尚宫之位,利誘知道事件始末嘅汪司膳(張文慈飾),向元玥講出家姐死因嘅真相。

元玥知道之後,即刻衝去搵太平公主,大鬧佢濫用私刑殺家姐;太平公主本來想殺死元玥,好彩有何離及時出現阻止。想稱帝嘅太平公主之後仲認出殺死何離,嫁禍畀李龍基嘅奸計;點知去到大殿,原本諗住自己佔上風嘅太平公主,竟然畀李美慧飾演嘅宮女出賣!而佢想做皇帝同其他計謀,亦被一一揭穿。

而大結局入面,彩蛋竟然係以古裝登場嘅麥玲玲!有網民估佢演妃嬪,但究竟麥玲玲會以咩身份出現呢?

圖︰馬浚偉用尚宫之位利誘汪司膳(張文慈飾),向元玥講出家姐死因。(網上截圖)
分享: