【又多個狗年B】董敏莉宣佈懷孕4個月 笑言︰婚姻出現「第三者」

圖︰董敏莉宣佈婚姻出現「第三者」,原來係經懷孕4個多月。(ig圖片)

董敏莉(Monie)2016年同大佢15年嘅律師男友莊耀金結婚,今日(4日)Monie就係社交平台上載超聲波相,話自己婚姻出現「第三者」。原來Monie已經懷孕4個月,預產期為12月;即係話,娛樂圈又多一個狗年B喇!

幾個月無護膚 只用清水保養

Monie同傳媒透露,自己喺陀B初期都有嘔心、頭暈、胃脹等等嘅「孕吐反應」,到而家都仲係無乜胃口;佢仲話自己呢幾個月都冇護膚,只係用清水保養︰「有時冇心機到連涼都唔想沖,頭髮都唔洗。」

Monie仲話,第一次產檢照超聲波時,發現子宮生咗個頗大嘅子宮肌瘤,好彩醫生話肌瘤暫時冇影響BB生長,但就要定期做檢查。至於BB係囝囝定囡囡?Monie就冇透露太多,只係話︰「無論係小王子定小公主,我哋都同樣開心,所以我同老公想幫BB改個男女通用嘅中文名。」

佢仲話會試播法文兒歌比BB做「胎教」,仲會同BB講吓生活趣事,不過Monie認為︰「最緊要就係BB健康同開心!」

分享: