【金秘書為何那樣】收視創新高 朴敘俊朴敏英再咀嘴

圖︰朴敘俊與朴敏英,繼第8集表白戲後咀嘴,第9集預告再上演咀嘴戲!(網上圖片)

韓國大熱tvN新劇《金秘書為何那樣》,兩位主角朴敘俊、朴敏英於第8集首次有咀嘴戲,更令收視再創新高!而今晚(4日晚)播出嘅第9集,二人深情對望嘅劇照流出,估計朴敘俊、朴敏英將再度上演甜蜜咀嘴戲,今次朴敏英仲會坐埋喺朴敘俊大髀,相信《金秘書》收視再創新高不是夢。

最高收視達10.6%

各地劇迷對副會長(朴敘俊飾)同金秘書(朴敏英飾)呢對情侶都相當受落,第8集副會長打破心理陰影,終於錫到金秘書,首場咀戲刺激收視升至8.12%,最高瞬間收視更高達10.6%;「金秘書終於親了」更一度登上內地微博熱搜第一位!

而《金秘書》第9集,講到二人正式拍拖,但就要喺公司發展地下情,副會長仲搞到要「躲於衣櫃裡」;而金秘書就會坐副會長大髀,相信將再上演咀嘴戲。

分享: