【性感水著】與豹嫂遊菲律賓 姚子羚著Deep V泳衣派福利

圖︰姚子羚身穿豹嫂送嘅性感Deep V泳衣,與豹嫂、李施嬅同遊菲律賓。(ig圖片)

日前姚子羚與胡蓓蔚(豹嫂)、李施嬅同遊菲律賓;呢個「素食之旅」一啲都唔「齋」,豹嫂琴晚(3日)深夜更喺ig分享佢哋嘅性感水著照!相片中,姚子羚著住相信係豹嫂送嘅性感Deep V泳衣,淋住瀑布超「治愈」!豹嫂呢招深夜突撃「派福利」,搞到網民留言話流鼻血,仲有人話睇完之後瞓唔著。

一件頭都可以好性感

3位靚女去到菲律賓當然唔會只係「食齋」,望住陽光與海灘,佢哋都忍唔住要落水消消暑!當中,姚子羚嘅一件頭Deep V泳衣最為搶眼,佢仲好enjoy咁享受瀑布浴影相;而豹嫂同李施嬅就着住「三點式」泳衣,施嬅嘅瀑布相亦相當搶眼!

施嬅在ig留言話:「今次話咗要relax唔會影太多相,但係見到個瀑布泳池,真係忍唔住。我哋又攝影師上身啦。影成點先?My gals are HOT on fire!!! Need a waterfall to put out the flame!」姚子羚在ig分享大露背,仲留言話「The earth has music for those who listen(這個地球有音樂讓人傾聽)」。

圖︰3人嘅水著照都非常搶眼!(ig圖片)
分享: