【見骨縫37針】梁漢文睇波唱K 頭撼枱角要做大手術

圖︰梁炳於社交網上載醫院病床相同影片,話自己「因叉錯腳」額頭直撼枱角,傷口深至見骨,要縫37針。(fb圖片)

梁漢文(梁炳)昨日(2日)凌晨3點幾,於社交網上載醫院病床相,話自己約朋友去卡拉OK睇世界盃球賽,因「叉錯腳」額頭直撼枱角,由於7厘米傷口太深、撞至見骨,要縫37針!梁炳指,「經過一大輪嘅討論,我決定聽朝(7月2日早上)做一個大手術,所以我之後會好靚仔good nite,大家不用擔心。」

「意外就係意外」 

梁炳在facebook帖文指,「今屆世界盃都未試過出去睇場波,突然心血來潮打俾我兄弟問佢係邊,佢咁岩喺卡拉OK,當時我的感覺直情係緣份到了,可以一齊睇波、點知意外就係意外,冇得解釋。」事發時,朋友請梁炳獻唱《一世一次戀愛》,由於燈光調暗,佢一個不小心「叉錯腳」,就額頭直撼枱角,搞到要入院治療。

梁炳午已出院,更在出院前拍片講述事發經過。而梁炳一向熱愛足球,早排先同譚校長(譚詠麟)踢完波,仲一同攻入7球!估唔到幾日後會因為睇波而發生意外,搞到「破相」。

圖︰梁炳出院前更拍片講述事發經過。(fb截圖)
圖︰梁炳一向熱愛足球,早排先同譚校長踢完波,仲一同攻入7球!(fb圖片)
分享: