【張國榮初戀】倪詩蓓爭自閉兒撫養權 法緩唔批「大不了做麥記」

圖︰倪詩蓓是張國榮初戀女友,99年與香港著名漫畫家黃玉郎結婚,06年離婚後,她獨力照顧患嚴重自閉症的兒子Royce。(網上圖片)

倪詩蓓係張國榮嘅初戀女友,99年同香港著名漫畫家黃玉郎結婚;06年離婚後,她獨力照顧患嚴重自閉症的囝囝Royce。近日,黃玉郎與她爭Royce嘅撫養權,倪詩蓓收入不穩定;面對官司,她更同朋友話︰「大不了去麥當勞打工」!

囝囝只有兩歲智商

早年喺新加坡定居嘅倪詩蓓,3年前因高血壓兼跌親而多次入院;由於未能獨力照顧已18歲、6呎高的囝囝Royce,只能忍痛把囝囝送到香港的自閉兒童學校寄宿。見囝囝每次返家都有新傷痕,倪詩蓓心情壞透、血壓爆標,更深怕自己患上抑鬱症。

由於Royce只有兩歲智商,入讀寄宿學校時經常提住要見媽咪,而倪詩蓓每星期都會送茶點畀囝囝,見佢一面。心繫囝囝嘅倪詩蓓,未能專心工作,但又要交租、又要照顧自己同囝囝生活,所以間中都出吓Show同寫專欄維持生計。其實倪詩蓓都好想盡快搵份兼職,佢更曾經同朋友話︰「大不了去麥當勞打工!」

法緩申請落空 打算出庭自辯

黃玉郎要同佢爭Royce嘅撫養權,倪詩蓓冇固定收入,都試過申請法緩;可惜申請落空,無錢請律師打官司嘅佢,如今打算出庭自辯,盡最大努力爭取Royce嘅撫養權。

面對法緩申請落空,倪詩蓓只能為自己打氣指,「上庭我自己代表自己答辯,想說什麼心裏話,可以直接同法官說,還變得沒有壓力。為自己加油Annie Ngai」。

圖︰面對法緩申請落空,倪詩蓓只能為自己打氣。(微博截圖)
圖︰倪詩蓓申請法緩落空,無錢請律師打官司嘅佢,如今打算出庭自辯,盡最大努力爭取Royce嘅撫養權。(網上圖片)
分享: