【傾吓偈啫…】麥明詩談第三者爆喊 「做乜要搞大人個肚呀?」

圖︰麥明詩(網上截圖)

無綫《後生仔傾吓偈》上星期五(6月29日)傾「後生仔陰暗面」,當大家表決「做第三者」是「賤格之最」時,麥明詩竟然激動爆喊,搞到陸浩明(6號)同馮盈盈不知所措!而6號更被麥明詩指住話︰「你做乜要搞大人個肚呀?」真係搞到6號都慘變「黑人問號」!

嚇到全場Dead Air

麥明詩當時正發表自己對「第三者」的看法,仲拉埋6號做例子︰「例如我同你(6號)之前係EX,我係鍾意佢,我哋大家係鍾意大家先。可惜我去咗外國,跟住你又唔小心搞大咗人哋個肚,咁你又被迫結咗婚,但其實我哋係相愛架嘛…」講到呢度,麥明詩就突然爆喊,馮盈盈即時安慰佢,但麥明詩喊到收唔到,令全場手足無措Dead air。

一向真性情嘅麥明詩再佢指住6號話:「你做乜要搞大人個肚呀?」搞到6號自己都覺得真係做錯嘢!不過麥明詩都補返句:「你放心,我係無試過畀男朋友搞大咗人個肚。」不過佢講「第三者」嘅事例講到咁肉緊,真係好似親身經歷咁。

「我只希望做一個人」

麥明詩日前曾於網上留言話:「我希望做一個藝人,一個可以掃街搭地鐵擘大口食嘢嘅藝人,一個可以着泳衣但唔使驗屍咁剃到一條毛都冇嘅藝人,一個可以好似正常女仔玩交友app同異性flirt嘅藝人,一個可以嚎啕大哭開懷大笑嘅藝人,一個可以將精神放喺活出充實自在人生嘅藝人,我只希望做一個人。」

麥明詩,你今次真係做到喇!

圖︰麥明詩爆喊。(網上截圖)
圖︰麥明詩搞到6號同馮盈盈不知所措。(網上截圖)
分享: