【無懼49+1】梁芷珊主動提離婚 與羅傑承「再見亦是家人」

圖︰梁芷珊迎來50歲,家人好友早前陸續約她慶祝生日。(fb圖片)

才女梁芷珊今日(29日)生日,迎來她的50歲。日前她接受媒體專訪,談及自己在48歲那年,因自覺失去愛情的感覺,而主動向商人羅傑承提出離婚,又指與羅傑承「再見亦是家人」。在梁芷珊眼中,羅傑承曾是好丈夫;如今離婚了,則是好前夫。

當愛情只剩下工作…

梁芷珊指,過去15年,以至離婚後,與羅傑承的關係亦非常好。但芷珊坦言,當一段感情太過穩定、太過長,真的會令二人變為親人,慢慢就沒有了火花。

她又向傳媒透露,「可能有啲人感覺賢內助就係愛情,我信任你就係愛情,但每個人唔同,我對羅生都係咁講,我哋變咗24小時工作拍檔,每一個對話、電話、臨瞓前講嘅嘢,都係關於工作,有時關於個女,唯一維繫我哋婚姻只係工作,呢樣唔係我最想要!」

「敢愛敢分」的梁芷珊開始讓自己靜下來︰「我嗰時去咗外國一段好長時間,去旅行去探個女,我都想自己靜下,羅生亦都靜下;我覺得好文明,原來唔係得一種方法去愛或分開。」

被指暴瘦兼皮膚變黑 「我買到保險!」

離婚後,梁芷珊與羅傑承仍有在工作上合作,她表示,「幾開心有新關係,我哋真係家人,再見亦是家人;因為個女,我哋永遠都係友好。」

對於被指暴瘦兼皮膚變黑,令外間傳她患病,梁芷珊自言︰「我都驚我有病,連阿媽都問我係咪有病!」之後她決定去買保險,過到驗身,身體無大問題;只係因為她是乙型肝炎帶菌者,「個肝弱啲」,亦可能因此令她膚色較黑。

至於暴瘦原因,她說:「圈中女仔個個都好弗,我係瘦塊面先,可能大家覺得凹晒落去係咪有事?多謝大家關心,我啱啱去完英國,同個女狂食肥咗幾kg,而家117磅。」

圖︰梁芷珊指,與前夫羅傑承「再見亦是家人」。(fb圖片)
分享: