【人妻的偽術】謝安琪︰新歌有我同張繼聰嘅相處實況!

圖︰謝安琪到新城宣傳新歌《人妻的偽術》,更透露歌中包括佢同張繼聰嘅相處實況。(ig圖片)

「人妻王」謝安琪(Kay)近日四出宣傳新歌《人妻的偽術》,佢今日去到新城接受訪問,仲透露歌入面有佢同老公張繼聰之間嘅相處實況,仲叫大家估吓係啲咩!

夫妻相處唔可以太坦白?

Kay介紹新歌時話,呢首歌係講夫妻間嘅相處唔一定要太坦白,有時反而要喺言語上剪裁吓;佢仲話歌曲引起唔少朋友嘅共鳴,朋友聽完歌仲打畀佢講返自己同另一半嘅相處秘密!而Kay仲話,歌入面有佢同張繼聰之間嘅相處實況。

早前大仔張瞻小學畢業,Kay同張繼聰都好感動,張繼聰仲感動到喊咗出嚟。Kay話︰「其實畢業禮早幾日諗到,我已經嚟(想喊出嚟),估唔到佢咁大隻,啲感情咁露出,同佢啲肌肉一樣突晒出嚟,好得意!不過我睇番啲片都感動㗎,小朋友同我講『you should be proud of yourself』。」

圖︰Kay同張繼聰不時都會「放吓閃」,唔知「人妻」Kay係用咩方法維繫感情?(ig圖片)
圖︰Kay仲同張繼聰去旺角行街。(ig圖片)
分享: