【深宮計】馬明心穎一吻定情 網民話係「訂情之作」

圖︰馬國明同黃心穎在《深宮計》有多場感人戲,更以一吻定情。(網上截圖)

人稱馬明嘅馬國明,2017年被爆與黃心穎拍拖;佢哋一齊拍嘅《宮心計2深宮計》,最近劇情發展到黃心穎飾演嘅宮女若芊,為救馬國明飾演嘅任三恕,不惜犧牲自己,自認係嗌「有刺客」嘅人。李隆基(馬浚偉飾)主持大局,指若芊「死罪可免、活罪難饒」,要判佢杖刑!

三恕陪若芊兩日兩夜

若芊被打,三恕就喺佢身邊陪足兩日兩夜,二人「患難見真情」,戀情更加白熱化;當中更有一場咀嘴戲,網民仲話馬明、心穎「戲假情真」,在幕前「一吻定情」!

劇情方面,三恕因今次事件同元玥(劉心悠飾)、鄭純熙(周秀娜飾)更加熟;而純熙避過一劫,仲發現懷有李隆基嘅龍裔!當純熙同李隆基宣布喜訊時,畀王皇后(胡定欣飾)見到呢一幕,搞到佢葡萄之餘,加速「黑化」。

心穎日前接受訪問,仲預告同馬明會有另一場更加感人嘅戲,「監製話睇一次喊一次,但係我唔劇透喇;不過就咁睇劇本同對白,我都會喊,所以真係寫得幾好,條感情線夠牽動人心。」

圖︰純熙同李隆基宣布喜訊時,畀王皇后見到,搞到一直冇囝囡嘅王皇后加速「黑化」。(網上截圖)
分享: