同師兄係情侶關係? 容祖兒:除咗家人,其他都係朋友!

(Instagram圖片)

容祖兒(Joey)今日到商台宣傳新歌《心之科學》,談及日前被影到同師兄劉浩龍二人晚餐、補過生日,因而被傳出二人「未分手」、「已復合」消息一事。由於二人關係撲朔迷離,祖兒就被問及同師兄係朋友定情侶關係?祖兒似乎有備而來,回應話:「喺我嘅世界入面,除非係家人,否則其他都係朋友。」

「我都可以同任何人食飯」

對於「二人晚餐」被指復合,祖兒話:「我都可以同任何人食飯,唔係次次都自己食嘅,大家唔使過份關心。」

本月16日過生日的祖兒,與蔡卓妍、謝霆鋒、鄭希怡等好友出海開Party慶生,師兄亦有在場。二人日前又被影到一同「撐枱腳」,師兄不僅為祖兒送上「生日甜品」,二人更齊齊吹蠟燭,關係似乎好親密。

分享: