【好返喇!】醫好腳腫「媽咪手」 熊黛林首次帶BB外出

圖︰熊黛林趁好天,首次帶BB外出。(ig圖片)

近月先後因生BB而經歷腳腫同「媽咪手」之苦嘅名模熊黛林(Lynn),今日(26日)在ig上載同囡囡外出嘅相片。原來今次係Lynn首次帶BB去街街,咁重要嘅時刻,當然要影張相、留個念啦!

攞住嘢飲 悠然自得

相片中嘅Lynn攞住嘢飲,悠然自得,並留言話︰「記錄一下,第一次帶著小寶貝出來散散步,喜歡!」

37歲嘅Lynn,今年4月為老公郭可頌生咗一對孖囡,佢先經歷腳腫,再於坐月期間因湊BB患上「媽咪手」,要去灣仔睇醫生,仲搞到兩邊手臂都要包紗布!好彩經過休養之後,Lynn已經好返好多,由今日上載嘅相片可見,Lynn嘅雙腳已經大致消腫,雙手亦唔洗包紗布,修身進展亦相當唔錯!

早前Lynn已開始做運動,但兩次都因為天雨而未能完成;今日出太陽,唔知Lynn陪完BB外出,又會唔會去做運動呢?

圖︰熊黛林近月先後經歷腳腫同「媽咪手」之苦。(ig圖片)
分享: