【幸運日】盧巧音同老公跑步 青山公路捕獲發哥

圖︰盧巧音同老公Sammy到青山公路跑步,竟幸運地「野生捕獲」發哥!(ig圖片)

盧巧音同老公Kolor主音Sammy(蘇浩才),星期日(24日)齊齊到青山公路跑步,更好幸運地野生捕獲周潤發(發哥)!盧巧音將合照上載到ig,並留言解說呢次奇遇!

發哥教上山路線 仲親自帶路

盧巧音在ig留言話︰「本來諗住say個hi, sel個fie….. 點知佢教左我地上山嘅路線,重(仲)帶埋我地去某個點然後話比我地知點行」。佢仲透露,原來佢同Sammy原本有諗過跑去荃灣方向,好彩最後揀咗跑另一邊,先有機會巧遇發哥。盧巧音仲好興奮咁話︰「點解會咁嘅?究竟發生咩事呀?媽我見到發哥呀媽!」

網絡紅人King Jer(瓊姐)都有分享呢個捕獲發哥事件,不過就「玩曲線」,指「這些機會就是屬於何韻詩的……」既因盧巧音同何韻詩被指生得似樣,瓊姐就將事件寫成︰「日前 HOCC 同女朋友去青山公路跑步,比佢野生捕獲到發哥呀!」仲tag埋何韻詩落帖文,認真搞笑。

分享: