【唔做無腳雀仔】被指已訂婚 李思捷︰咁你等我派帖啦!

圖︰(ig圖片)

「溝女王」李思捷自2013年被「春卷」王寶葆單方面宣布分手前後,一直屢傳緋聞,包括︰李思蓓、嫰模Naomi等,更曾經被影到同陳雅倫喺街頭「又擒又啜」;不過「無腳雀仔」仍未有定下來之意。

直至李思捷早前在朋友聚會,識到20多歲、生得幾似劉佩玥嘅長髮女生,二人感情急速升溫,更有指二人早已「火速訂婚」!

阿媽都支持 話啱就快啲結!

有媒體拍得女方不時現身李思捷何文田寓所,更與李媽媽一同飲茶;不過當女方發現記者時,就又急行又用秘道走,似乎十分怕醜。

李思捷其後回應媒體查詢,直指佢都想訂婚,仲話︰「咁你等我派帖啦!」他又指自己「都大個佬」,「唔識女仔好大鑊。」佢又透露,李媽媽都贊成佢快啲結婚,「阿媽都話啱就快啲喇!唔好玩嚟玩去!」佢仲話,身邊好多朋友都有催佢結婚!

既然自己鍾意,家人朋友又支持,心動不如行動,請思捷快啲派帖啦!

分享: