【唔係單身?】傳康華曾秘婚 男方為美國華僑

圖︰康華被傳曾結婚,老公為美國華僑。(ig圖片)

日前先報道過康華單身10年,講到佢因父母年紀大又患病,令其長期單身一事變得合情合理。不過,有傳康華曾於07年轉戰內地市場後,與一名美國華僑結婚,更不時帶康華四出應酬!

美國開超市 家境富裕

作為《宮心計2深宮計》四司房當中的「小富婆」,究竟單靠內地狂拍劇賺錢,係咪真係可以成為隱形富婆買豪宅?有指曾與康華結婚嘅美國華僑阿Ken﹐於美國開超市,且家境富裕;康華跟住老公四出應酬,仲喺美國生活過一段時間。不過呢段感情維持咗一段短時間就分手收場,而康華亦只好返回香港專心拍劇。

近期《深宮計》熱播,康華飾演嘅南宮司設成為當地華人話題,因唔少華僑都對佢有印象,令佢曾經同美國華僑「秘婚」嘅消息曝光。有傳媒翻查紀錄,發覺康華以往冇試過以個人或香港公司名義買賣過物業,但到2012年,突然有錢連環購入兩個荃灣豪宅自住,因而推斷呢筆錢同隱形老公有關。當媒體向康華求證曾否「秘婚」時,佢就即刻潛水,唔回覆、亦冇澄清事件。

圖︰康華參演《深宮計》而紅到美國華人圈,令其「秘婚」傳聞曝光。(ig圖片)
分享: