【喜迎29+1】梁洛施開新ig 與家人朋友慶生日

圖︰梁洛施6月23日踏入30歲,更開新ig貼出與家人的慶生相片。(ig圖片)

唔少女仔都認同30歲是人生一個重要轉捩點,而梁洛施(Isabella)前日(23日)亦正式踏入「29+1」,更加在生日當日開新ig,並貼出與家人慶生的溫韾相片。

與朋友慶生 拎住壽桃跳舞

Isabella首先於23日貼出家人慶生大合照,並留言指:「早晨,我有新ig啦!今日係我同我家姐嘅大日子,我要同佢食食食同飲飲飲!」雖然大合照的人樣被公仔遮住,但隱約可見有3個男孩,相信是她與舊愛李澤楷所生的李長治,以及孖仔李長亨和李長軒。相片中可見生日蛋糕寫上「豬西妹妹」和「豬西姐姐」,但二人都好玩得,冇介意!

到琴日(24日),Isabella繼續分享其他慶生相,並留言指:「30歲嘅第一日,當然就係要飲茶!」之後她貼出自己好興奮拎住壽桃跳舞嘅短片,仲有其他飲茶相片;睇嚟Isabella都真係好鍾意飲茶慶祝。

即將復出拍戲

Isabella開新ig,除咗為迎接30歲,相信都同佢即將復出娛樂圈有關。早前Angelababy嘅經理人阿Kim就喺ig宣佈會同Isabella合作,其中一項計劃就係拍戲。

阿Kim曾於受訪時表示,自己並非要做Isabella的經理人,而是以個人名義與她合作。阿Kim話︰「我哋識咗10幾年,有拍戲嘅計劃,希望好快同大家見面。」

圖︰Isabella首先於新ig貼出慶生大合照,雖然大合照的人樣被公仔遮住,但隱約可見她3個囝囝亦有入鏡。(ig圖片)
分享: