【求正面?】樂瞳家人去布吉度假 貼三點式泳衣相「派福利」

圖︰樂瞳與家人去布吉度假,更於ig晒三點式靚相!(ig圖片)

樂瞳兩日前(23日)先喺ig問網民,想睇佢去布吉度假、定睇東京工作相?網民都好識揀,當然係睇樂瞳遊陽光與海灘啦!今日(25日)佢就喺ig貼出三點式泳衣照,相片更加由樂瞳媽咪操刀;由於相片只有背面,有網民就留言「求正面」相片!

仲有靚相整理中!

乖乖女樂瞳日前帶屋企人去布吉度假,仲影落唔少靚相!佢貼出三點式泳衣照時留言話︰「瞳屋企人遊布吉ep2尚在整理中,先看看我媽媽給我拍的大作,攝影技術進步了很多。」

她更在另一帖文寫到︰「我沒有很大成就,可是我就是很希望能照顧屋企人,很多年沒有一起旅行,我很感恩有一個很愛我的家庭,爸爸偶爾搞爛gag,媽媽就是嚴母角色,弟弟就是我們中間最易相處的人,就是希望他們有最好的享受,終於可以和他們一起去旅行,也希望我們這一家以後可以去更多旅行。」

預告晚上開FB live

有網民留言笑指布吉度假相為「呃Like系列專輯」,亦有網民大讚「好靚呀, post多d, 比基尼相」,似乎這次旅行都贏得大家好多正評!樂瞳仲喺ig預告,今晚10點將會開facebook live分享美容心得,仲話會送出10份神秘禮物。如果禮物係簽名泳衣相,相信好多網民都會like爆!

圖︰樂瞳喺布吉影咗好多靚相!(ig圖片)
分享: