【深宮計】周秀娜險被火燒死 皇上搵南宮司設替罪?

圖︰純熙再招惹殺身之禍,差點在藏書閣被燒死,太平公主大怒要搵真兇!(網上圖片)

無綫劇集《宮心計2深宮計》,自從鄭昭儀(周秀娜飾)登場後接連招上殺身之禍。劇情講到鄭昭儀於藏書閣被迷暈,差點被火燒死;幸得任三恕(馬國明飾)及時相救,最後無事。但太平公主(陳煒飾)就好嬲,話要搵出真兇!

王皇后自認叫昭儀去藏書閣

經過一輪調查之後,好明顯,事件係人為嘅,王皇后(胡定欣飾)竟然出嚟自認安排鄭昭儀去藏書閣,不過就話自己冇縱火。證據在手,連皇上(馬浚偉飾)都覺得係王皇后縱火,但為保皇室聲聲,皇上決定搵南宮司設(康華飾)替罪平息事件。

南宮司設當然係無辜嘅,仲要無端端面對死罪,被一眾禁衛上前捉拿,突然崩潰!呢個時候,又有一個人衝出嚟自認兇手,就係一直愛慕南宮司設嘅成內侍(韋家雄飾)喇!

成內侍願為南宮司設而死

一場明爭暗鬥,因成內侍突然挺身頂罪,而變成告白時刻。玲瓏公主(劉心悠飾)問及內侍的「犯案動機」,內侍就講出一段相當動人嘅說話,意思係願意為南宮司設而死。

南宮司設聽到成內侍嘅深情表白後,不禁感動得留下眼淚,呢一刻﹐佢先知道成內侍嘅真心真意。究竟成內侍同南宮司設有咩下場?真正兇手其實係邊個?睇落去就會知道。

圖︰皇上決定搵南宮司設(康華飾)替罪平息事件,結果成內侍為她挺身而出「頂罪」。(網上圖片)
分享: