【深宮計】何離與李隆基因皇位相爭 馬浚偉「黑化」變魔君

圖︰《宮心計2深宮計》亦有兄弟相爭劇情,何離與李隆基將因皇位而相爭!(網上圖片)

無綫熱播劇集《宮心計2深宮計》,除咗有一班女角互攻心計之外,李隆基(馬浚偉飾)同「好兄弟」何離(蕭正楠飾)亦會因皇位而不和相爭,李隆基更會「黑化」變魔君,對何離起殺機!

日前劇情講到,章尚宮(謝雪心飾)發現何離左臂上有一個勾形胎記,因而肯定佢係肅明皇后被武則天殺死之前,秘密所生嘅皇子;突然多咗個同父異母嘅兄弟,李隆基最擔心何離「流落民間的皇弟」嘅身份,威脅到佢坐穩帝位。

幕後黑手 推波助瀾

其實何離對皇位根本亳無野心,又同李隆基關係好好,點解會變成威脅皇權呢?當然就係有幕後黑手,推波助瀾啦!原來韓馬利飾演嘅淑太妃,當年因被害而畀武則天發配守陵,當時囡囡安懷公主仲係BB。後來兩母女假死,輾轉去咗佛光寺隱居;太上皇發現之後,因愧疚而接淑太妃回宮,畀佢安享晚年。

點知淑太妃原來對當年太上皇嘅十分痛恨,帶着怨恨返皇宮爭一口氣!佢更加想學武則天登基為帝,於是操控被揭發係皇子嘅何離,威脅李隆基嘅帝位!

圖︰淑太妃由忠變奸,野心大到想學武則天稱帝。(網上圖片)
分享: