陳家樂避談曾否當第三者 指余香凝不拜金「係好女仔」

圖︰陳家樂指舊愛余香凝不拜金,係好女仔。(ig圖片)

陳家樂昨日(21日)出席活動,被問及余香凝「一腳踏兩船」早有前科,當年第三者更是他本人一事時,卻迴避問題;只力撐余香凝不拜金、是好女仔,未有正面回答自己當年是否曾做第三者。

明顯消瘦 準備增肥

陳家樂睇落明顯比之前消瘦,但佢強調與失戀無關,「我係瘦咗,但唔關感情事,是工作忙瞓得少,亦要開始增肥同練肌肉,因新戲要飾演警察,身形不能太削。」至於有人爆料,指余香凝學生時代與陳秋山拍拖時已經「一腳踏兩船」,當時第三者仲係陳家樂,佢就咁樣回應︰「佢係好女仔,所以我唔想多講。」

咁余香凝係咪拜金女?陳家樂話︰「我講過好多次,佢完全唔係咁嘅人!拍拖時亦冇要求我送名貴禮物。」佢又話︰「大家選擇去相信並非事實嘅報道,我嘅回應無人信,我只好唔再講太多。」更指同余香凝已分開,唔想再講太多以前嘅感情事。

早前陳家樂在鏡頭前含淚談分手,如今心情已平伏?佢就話︰「(心情)一直都平伏,只係突然有好多人關注這件事,加上又有誤會,因件事唔係咁,所以當下感到有點壓力。」

分享: